عايزين ايه بعد عز ونظيف
بقى رئيس الحكومه احمد شفيق
وكمان ايه عمر سليمان نائب الرئيس
عايزين ايه
الرئيس الأب والرمز الكبير بيقول فى تغير
وبلاش شغب ولا تخريب
تيجوا انتوا و تقولوا لازم الرحيل
طيب عايزين مين الأخوان ولا البرادعى الجبان
ولا ايمن نور عميل الأمريكان
ممكن تقولولى مستنين فى التحرير ليه
وانتوا مين شباب يوم 25 يناير احترموا الراجل الكبير
وتلوقتى فى البيت ممكن تقولوا انتوا مين
وعايزين ايه
ادينا اتقسمنا اتنين مؤيدين ورافضين
وبنضرب فى بعض ولا كأننا فى فلسطين واحنا اصلا مصريين
وسيبنى المجال لامريكا والأتراك وغيرهم يأمرون بالراحيل
كفايه بقى وتعالوا نشوف التغير اتركوا فرصه
لراجل الكبير يغير و يحاسب الظالمين والخارجين
وكفايه خراب و دمار ولا انتوا عايزين نوصل
لحال العراق وفلسطين ويمكن كمان ننقسم اتنين
اقباط ومسلمين وحرب اهليه وخراب كبير
قولولى مستنين لحد تلوقتى ليه
وعايزين مصر توصل لحد فين
